गोष्ट निर्मितीची

लहान मुलांपासून ते इंजीनियरिंग तसेच इलेक्ट्रोनिक्स शाखेतील विद्यार्थ्यांसाठी  इलेक्ट्रोनिक्स शिकणे हे किफायतशीर ,सोपे आणि भाषेवर अवलंबून नसणारे बनवण्यासाठी विवेकानंद ढाकणे याने  कोविड-१९ च्या लॉकडाऊनमधे,  सुरु केलेला हा एक प्रकल्प आहे. या प्रकल्पाचा पहिला नमुना बनवण्यासाठीचे अनुदान हे SINE आयआयटी बॉम्बे, मुंबई या संस्थेने भारत सरकारच्या विज्ञान आणि तंत्रज्ञान विभागाच्या "निधी प्रयास" या योजने अंतर्गत दिले आहे. निर्मितीमध्ये मायक्रोकंट्रोलर बोर्ड, बेस-शिल्ड बोर्ड आणि वापरण्यास सोपे असे आय-डी-ई म्हणजे सोफ्टवेअर आहे. या सोफ्टवेअरमधे आपण एम्बेडेड-सी(embedded C) वापरून किंवा ब्लॉक्स वापरून प्रोग्रामिंग करू शकतो. विशेष म्हणजे वापरकर्ते आपल्या मातृभाषेचा वापर करून निर्मिती बोर्डला प्रोग्राम करू शकतात.